Fæstir reikna kannski með að vera alla tíð í sama starfinu. En hversu lengi á maður að vera í sama starfinu áður en maður skiptir um starfsvettvang? Það getur verið slæmt fyrir starfsframan að vera of stutt í starfi og það sama gildir um að vera of lengi. En hvenær á maður þá að íhuga að skipta um vinnu?

Susy Welch, sem hefur skrifað margar metsölubækur um stjórnun, segir að enginn vænti þess í dag að fyrsta starfið verði einnig það síðasta. Á einhverjum tímapunkti skipti flestir um starf. Annað hvort til að fá hærri laun eða af persónulegum ástæðum.

Ekki er svo langt síðan að það var algengt að starfsævinni væri eytt hjá sama vinnuveitandanum sem þakkað kannski fyrir sig við starfslok með að gefa starfsmanninum gullúr og halda smá veislu.

Welch segir að hún telji best fyrir fólk að skipta um starf eftir þrjú til fimm ár á sama staðnum.

„Ég er vön að ráðleggja fólki að hugsa um næsta skref á starfsferlinum þegar það hefur verið þrjú ár í starfi.“

Hefur CBS eftir henni.

Ef maður er of lengi í starfi fara mannauðsstjórar að efast um að umsækjandinn geti aðlagast nýrri vinnustaðamenningu, öðrum hraða og öðrum vinnuhraða.

En eins og með flest þá eru undantekningar. Welch segir að ef fólk er ánægt með starf sitt og sjái tækifæri til frama þá eigi það að halda áfram á sama stað.

„Það er engin ástæða til að hætta í vinnu sem þú elskar og virðist opna fyrir bjarta framtíð.“