fbpx
Þriðjudagur 18.desember 2018
Pressan

Dýrkeyptur heiðarleiki – Kom upp um skattsvik upp á 740 milljarða – Missti vinnuna og fær ekki bætur

Kristján Kristjánsson
Sunnudaginn 18. nóvember 2018 11:22

Miklir fjármunir fara í gegnum vefsíður sem þessar. Mynd:Pixabay

Stéphanie Gibaud gjalt það dýru verði að leggja frönskum yfirvöldum lið við að koma upp um umfangsmikil skattsvik á vegum svissneska UBS bankans. Hún njósnaði fyrir frönsk yfirvöld og njósnir hennar urðu til þess að upp komst um skattsvik upp á sem svarar til um 740 milljarða íslenskra króna.

Bloomberg skýrir frá þessu. Fram kemur að Gibaud hafi starfað í þeirri deild UBS sem sá um málefni vel efnaðra Frakka. Hún var rekin úr starfi 2012 en hún hafði verið á snærum skattayfirvalda frá 2011.

Hún stefndi franska ríkinu og krafðist bóta upp á sem svarar til um 500 milljóna íslenskra króna vegna brottrekstursins og tekjutaps í framhaldi af honum. Hún taldi að hún hefði misst vinnuna vegna starfa sinna fyrir skattayfirvöld. Dómstóllinn komst að þeirri niðurstöðu í síðustu viku að henni hefði ekki tekist að sýna fram á að brottreksturinn hefði verið vegna starfa hennar fyrir skattayfirvöld en þótti sannað að hún hefði lagt sitt af mörkum við að koma upp um skattsvikin og að það hefði valdið henni miklu álagi. Henni voru dæmdar sem svarar til um 400.000 íslenskra króna í bætur vegna þessa.

Lögmaður Gibaud segir að hún hafi byrjað að safna gögnum um skattaundanskotin 2008 þegar hún neitað að eyða skjölum sem henni hafði verið skipað að eyða.

UBS þvertekur fyrir að hafa staðið fyrir skattsvikum og segir að Gibaud sé ekki trúverðugt vitni og segir að margt af því sem hún segi sé ekki á rökum reist og/eða tekið úr samhengi.

Dómur verður kveðinn upp í máli bankans þann 20. febrúar á næsta ári. Bankinn á yfir höfði sér sekt upp á allt að 5,3 milljarða evra ef hann verður fundinn sekur um skattsvik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 20 klukkutímum

Sænskur prófessor bjargaði nemanda sínum úr klóm ISIS

Sænskur prófessor bjargaði nemanda sínum úr klóm ISIS
Pressan
Fyrir 20 klukkutímum

Er virkilega hættulegt að nota eyrnapinna til að hreinsa eyrun?

Er virkilega hættulegt að nota eyrnapinna til að hreinsa eyrun?
Pressan
Í gær

3.600 hafa látist í átökum múslíma og kristinna í Nígeríu

3.600 hafa látist í átökum múslíma og kristinna í Nígeríu
Pressan
Í gær

Tvær öflugar sprengingar í Malmö í gærkvöldi og nótt

Tvær öflugar sprengingar í Malmö í gærkvöldi og nótt
Pressan
Fyrir 2 dögum

„Hendum skítnum beint í ruslið“ – Dönsk nýnasistasamtök dreifa áróðri

„Hendum skítnum beint í ruslið“ – Dönsk nýnasistasamtök dreifa áróðri
Pressan
Fyrir 2 dögum

Þetta er nú hættulegasta fíkniefni Bandaríkjanna

Þetta er nú hættulegasta fíkniefni Bandaríkjanna
Pressan
Fyrir 3 dögum

Tók eigið líf vegna krabbameins, en ekkert mein fannst við líkskoðun

Tók eigið líf vegna krabbameins, en ekkert mein fannst við líkskoðun
Fyrir 4 dögum

Veiðikortið 2019 er komið út

Veiðikortið 2019 er komið út