Með tilkomu samfélagsmiðla styttist vegalengdin á milli neytenda og framleiðenda mikið og nú eru neytendur í mun betri aðstöðu en áður til að láta vita af óánægju sinni með eitthvað. Það getur reynst fyrirtækjum dýrkeypt að bregðast ekki við slíku á samfélagsmiðlum og því reka mörg sérstakar samfélagsmiðladeildir sem vakta samfélagsmiðla og reyna að takmarka skaðann sem getur hlotist af neikvæðri umfjöllun.

Dani Andres nýtti sér einmitt samfélagsmiðla til að koma óánægju sinni á framfæri nýverið þegar hún keypti sér dós af Diet Coke. Hún áttaði sig fljótt á að dósin var mun léttari en hún átti að vera og því greinilegt að minni vökvi var í henni en átti að vera. Til að staðfesta þetta tók hún upp á myndband þegar hún opnaði dósina og hellti lítilræðinu sem var í henni úr.

Hún birti myndbandið síðan á Twitter og kvartaði yfir breska útibúi Coca-Cola. Daily Mail skýrir frá þessu. En það sem hún áttaði sig ekki á var að með því að opna dósina og hella úr henni var hún að eyðileggja góða tekjumöguleika því lokaðar dósir af Coca-Cola, með litlu eða engu innihaldi, seljast fyrir háar fjárhæðir en margir safna slíkum dósum.

Á Ebay er hægt að finna slíkar dósir sem eru boðnar til sölu og hleypur verðið jafnvel upp í sem svarar til nokkurra milljóna íslenskra króna.

I swear I’m not some kind of magician but please can someone with skills in sorcery @CocaCola_GB @DietCokeGB save my #dietcokebreak #becauseicant pic.twitter.com/evPgM4WxDA

— Dani Andres (@Dani_in_Bristol) November 9, 2018