Fjölmargir notendur Facebook og Instagram hafa lent í vandræðum með að komast inn á þessa vinsælu samfélagsmiðla eftir hádegið í dag. Notendur í Bandaríkjunum, Bretlandi og á meginlandi Evrópu hafa lent í vandræðum eins og notendur á Íslandi.
Messenger-þjónusta Facebook lá niðri um tíma hjá mörgum notendum í gær. Í síðustu viku lágu bæði Instagram og WhatsApp, sem einnig er í eigu Facebook, niðri.
Ekki liggur fyrir hvað veldur þessu hökti í dag.