Í sumar fór heimsmeistarmótið í sjónhverfingum fram. Meðal þátttakenda var Eric Chien sem er bara ansi góður sjónhverfingamaður eða töframaður eins og sumir kalla þá sem stunda þessa iðju. Þar sýndi hann spilagaldur, sem er hægt að sjá í myndbandinu hér neðst, og er óhætt að segja að margir séu að missa sig yfir þessum magnaða spilagaldi.

Auðvitað veltir fólk fyrir sér hvernig hann gerir þetta en fáir ef þá nokkur hefur komist að niðurstöðu um það. Enda má spyrja sig hvað væri gaman að spilagöldrum og öðrum sjónhverfingum ef við vissum alltaf hvernig þetta er gert? Er ekki hluti af þessu að láta koma sér á óvart? Annars væri skemmtanagildið líklegast mun minna.

Chien, sem er frá Kína, fékk verðlaun fyrir „Bestu sjónhverfingarnar“ á mótinu og þarf ekki að undra miðað við það sem sést í myndbandinu. Upptaka af atriði hans var nýlega birt á YouTube svo loksins hefur heimsbyggðin tækifæri til að sjá færni hans og magnaðan spilagaldur.