Það er ábyrgðarstarf að vera á lyftara í stóru vöruhúsi eins og meðfylgjandi myndband ber með sér. Ein röng hreyfing getur bókstaflega valdið stórslysi.
Maðurinn í myndbandinu hér að neðan má teljast heppinn að hafa sloppið án alvarlegra meiðsla þegar hann rak lyftarann utan í rekka á ótilgreindum lager.
Eins og sést var höggið ekki ýkja mikið, en það dugði þó til þess að leggja lagerinn hreinlega í rúst. Hillurnar, sem voru ef til vill dálítið ofhlaðnar, hrundu eins og spilaborg.
Ekki kemur fram í frétt Mail Online hvar myndbandið var tekið en það má sjá hér að neðan.