Hámarkshraðinn í þorpinu er 50 km/klst. Sá sem hraðast ók mældist á 135 km/klst. Þorpið er í norðurhluta landsins nærri frönsku landamærunum. Þetta er sannkallað þorp því þarna búa aðeins um 120 manns, flestir á efri árum. Bæjarstjórinn ákvað að setja upp hraðamyndavél eftir að íbúar höfðu kvartað yfir hraðakstri.
Sky segir að frá 13. til 27. september hafi 58.568 ökumenn verið staðnir að of hröðum akstri í þorpinu. Þjóðvegur SS28 liggur í gegnum það og gildir 50 km/klst hámarkshraði á honum þann spöl sem liggur í gegnum þorpið. Bæjarstjórinn íhugar nú að láta setja hraðamyndavél upp fyrir fullt og virðist sem ekki sé vanþörf á því.
