fbpx
Mánudagur 10.desember 2018
Pressan

HIV-faraldur í Austur-Evrópu – 130.000 ný smit á síðasta ári

Kristján Kristjánsson
Föstudaginn 30. nóvember 2018 21:30

Teikning af HIV veiru. Mynd:Wikimedia Commons

Óhætt er að segja að HIV-faraldur geisi í Austur-Evrópu og Mið-Asíu. Á síðasta ári greindust 130.000 manns með HIV á þessum svæðum og hefur fjöldi smittilfella aldrei verið hærri. Hvergi í heiminum fjölgar HIV-smitum hraðar en í Austur-Evrópu og Mið-Asíu.

Þetta kemur fram í nýrri skýrslu frá Evrópsku smitsjúkdómastofnuninni og Alþjóðaheilbrigðismálastofnuninni WHO. Það þarf að hafa í huga í þessu sambandi að tölurnar ná aðeins til þeirra sem hafa greinst með veiruna. Sérfræðingar telja að þeir sem eru smitaðir en hafa ekki fengið greiningu séu líklega að minnsta kosti tvöfalt fleiri en þeir sem hafa greinst með smit.

Útbreiðsla HIV er ekki nýtt vandamál í Austur-Evrópu og Mið-Asíu en ógnvænleg þróun hefur orðið í málaflokknum síðustu 15 árin. Á tímum Sovétríkjanna var ekki mikið um að HIV-smit greindust en eftir fall þeirra og frá því um aldamótin fjölgaði tilfellunum mikið. Þá hófst ákveðin ungmennamenning þar sem ungt fólk notaði heróín frá Afganistan. Fólk skiptist á nálum og þannig breiddist veiran hratt út.

Verst er ástandið í Rússlandi, Hvíta-Rússlandi og Kasakstan. Í Úkraínu er ástandið betra en þar hafa stjórnvöld blásið til sóknar í baráttunni við útbreiðslu veirunnar og það virðist vera að bera árangur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Landamæravörður á dauðadóm yfir höfði sér

Landamæravörður á dauðadóm yfir höfði sér
Pressan
Fyrir 3 dögum

Sakleysisleg ljósmynd föðursins af dótturinni varpaði ljósi á alvarlegt mál

Sakleysisleg ljósmynd föðursins af dótturinni varpaði ljósi á alvarlegt mál
Pressan
Fyrir 4 dögum

Börnin fengu áfall: Forfallakennarinn rekinn

Börnin fengu áfall: Forfallakennarinn rekinn
Fyrir 4 dögum

Ýmislegt góðgæti í boði fyrir veiðimenn

Ýmislegt góðgæti í boði fyrir veiðimenn