Þetta kom fram í viðtali við stjörnufræðinginn Eddie Mair á LBC. Þar sagði hann að stjórnvöld séu með viðbragðsáætlanir tilbúnar, líklegast ekki frábærar, ef stjörnufræðingur verður var við eitthvað úti í geimnum sem er ekki náttúrulegt. Hann sagði að ekki væri útilokað að sígarettulagaði hluturinn Oumuamua, sem kom inn í sólkerfið okkar á síðasta ári, væri hlutur smíðaður af vitsmunaverum en eins og Pressan skýrði nýlega frá telja vísindamenn við Harvard háskóla að svo sé.
„Stjörnufræðingar telja að það geti verið margir svona hlutir, hugsanlega fastir í sólkerfinu okkar, sem við höfum ekki séð.“
Sagði hann og bætti við:
„Það eru áætlanir um hvernig á að bregðast við, segja viðeigandi stjórnvöldum eins og Sameinuðu þjóðunum, leiðtogum ríkja heims frá þessu og undirbúa hvernig á að segja almenningi frá þessu. En allar þessar áætlanir munu verða að engu um leið og einhver sér eitthvað því þær munu ekki virka.“
