fbpx
Sunnudagur 09.desember 2018
Pressan

Mamma – „Ég sé dáið fólk“

Kristján Kristjánsson
Þriðjudaginn 4. desember 2018 08:00

„Ég var að ganga heim með þriggja ára dóttur minni eftir leikskóla. Hún var að segja mér frá deginum og hvað hún vildi í kvöldmat. Hún skipti ótt og títt um umræðuefni. „Ég á nýjan besta vin,“ sagði hún. „Frábært,“ sagði ég. „Hvað heitir hún?“ Tilly. Hún á heima í húsinu okkar. Hún er vinkona mín og hún er dáin. Alex er líka vinur minn. Hann býr hér. Hann dó. Mamma hans og afi dóu líka. Við ætlum að leika á eftir.“

Svona lýsir Rebecca Evans, blaðamaður, frásögn þriggja ára dóttur sinnar, Rosalyn, á vinum hennar sem eiga heima í húsi fjölskyldunnar á Englandi en það er mjög gamalt.

Í umfjöllun Daily Mail um málið segir Evans að hún hafi aldrei rætt um Tilly eða Alex við dóttur sína eða líf eftir dauðann. Rosalyn hafi komist næst dauðanum þegar köttur afa hennar og ömmu var aflífaður. Evans segist ekki vera hjátrúarfull og sem blaðamaður vilji hún halda sig við staðreyndir og sannanir og trúi ekki á drauga. Það segir hún vera mikið lán því hún og Rosalyn séu yfirleitt einar í húsinu alla virka daga þar sem fjölskyldufaðirinn starfi í Lundúnum en fjölskyldan býr í húsi frá sextándu öld í Devon.

Evans ákvað að grafast aðeins fyrir um málið og komst að því að samkvæmt manntali frá 1861 bjó 10 ára drengur, Alexander Turner, í húsinu. 1891 bjó Matilda Oke þar, þá tvítug. Líklega hafði hún búið í húsinu um árabil.

Í umfjöllun Daily Mail er einnig fjallað um Alice, sem nú er 11 ára, sem segist hafa séð látið fólk frá því að hún var tveggja ára. Haft er eftir móður hennar, Katie Jones, að þegar Alice var tveggja ára hafi hún eitt sinn byrjað að gráta mikið og sagt að tveir menn væru inni í herberginu hennar og væru að stara á hana og öskra. Síðar sagði hún að stúlka að nafni Sheila sæti við fótagaflinn og gréti yfir móður sinni. Þegar Jones fletti gömlum dagblöðum sá hún að stúlka að nafni Sheila var myrt í húsinu.

Hvorug móðirin segist hafa skýringar á þessum upplifunum dætra sinna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Landamæravörður á dauðadóm yfir höfði sér

Landamæravörður á dauðadóm yfir höfði sér
Pressan
Fyrir 3 dögum

Sakleysisleg ljósmynd föðursins af dótturinni varpaði ljósi á alvarlegt mál

Sakleysisleg ljósmynd föðursins af dótturinni varpaði ljósi á alvarlegt mál
Pressan
Fyrir 4 dögum

Börnin fengu áfall: Forfallakennarinn rekinn

Börnin fengu áfall: Forfallakennarinn rekinn
Fyrir 4 dögum

Ýmislegt góðgæti í boði fyrir veiðimenn

Ýmislegt góðgæti í boði fyrir veiðimenn