fbpx
Mánudagur 10.desember 2018
Pressan

Anna leigði íbúð í gegnum Airbnb – Súrrealísk sjón mætti henni þegar komið var inn í hana

Kristján Kristjánsson
Miðvikudaginn 5. desember 2018 06:57

Það eru ákveðin tímamót þegar fólk verður fimmtugt og þegar leið að þeim stóra degi hjá móður Önnu Vigsø, sem býr í Danmörku, ákvað hún, ásamt systkinum sínum, að gleðja móður sína og bjóða henni í borgarferð til Hamborgar í Þýskalandi. Hún pantaði íbúð í gegnum Airbnb og síðan var haldið af stað.

Þegar þau komu á áfangastað mætti þeim sjón sem best er hægt að lýsa sem súrrealískri. Í íbúðinni var mikið magn muna sem tengjast kynlífi á einn eða annan hátt, allt frá klámmyndum til stórs kynlífskross með svipu og klemmum í miðju svefnherberginu. Auk þess var íbúðin í vændishúsi. Ekkert af þessu var tekið fram í lýsingunni á Airbnb.

Anna hafði ákveðið að leigja íbúð miðsvæðis í Hamborg og fékk fann íbúð í Reeperbahn sem henni leist vel á.  Þegar fjölskyldan kom í leigubíl í götuna, sem er vel þekkt fyrir fjölda vændishúsa, stóðu vændiskonur á hverju horni.

„Þegar við stigum út úr leigubílnum spurði vændiskona okkur: „Ætlið þið í alvöru að búa hér?“ Huggulegt!““

Sagði Anna í samtali við BT. Það var á þessu augnabliki sem fjölskyldan áttaði sig á að eitthvað var ekki eins og þau áttu von á. Ekki batnaði ástandið síðan þegar þau komu inn í íbúðina en vændiskonan, sem þau hittu úti á götu, vísaði þeim inn í húsið sem reyndist vera vændishús. Þar tók önnur vændiskona á móti þeim og fylgdi þeim upp í íbúðina en stigagangurinn var með fjólubláu veggfóðri, speglum út um allt og mörgum VIP-herbergjum fyrir viðskiptavini vændishússins.

Úr íbúðinni. Mynd:Anna Vigsø/Facebook

„Þegar við komum inn í íbúðina sáum við þetta um leið. Það var stórt svefnherbergi þar sem stór kross hékk og við hlið hans svipur og klemmur. Síðan var fullt af veggspjöldum með nöktum konum og mikið af klámmyndum.“

Sagði Anna.

Í öllum hinum herbergjum hússins var síðan vændisstarfsemi í gangi allan sólarhringinn. Fjölskyldan var beðin um að ganga hljóðlega um stigaganginn til að trufla ekki stúlkurnar sem vinna í húsinu. Þá er vændishúsið einstaklega vel hljóðeinangrað að sögn Önnu þannig að þau urðu ekki mikið vör við þá starfsemi sem þar fór fram.

Úr íbúðinni. Mynd:Anna Vigsøe/Facebook

Fjölskyldan ákvað að gera það besta úr þessu og dvaldi í íbúðinni í þrjá daga og naut lífsins í Hamborg.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Landamæravörður á dauðadóm yfir höfði sér

Landamæravörður á dauðadóm yfir höfði sér
Pressan
Fyrir 3 dögum

Sakleysisleg ljósmynd föðursins af dótturinni varpaði ljósi á alvarlegt mál

Sakleysisleg ljósmynd föðursins af dótturinni varpaði ljósi á alvarlegt mál
Pressan
Fyrir 4 dögum

Börnin fengu áfall: Forfallakennarinn rekinn

Börnin fengu áfall: Forfallakennarinn rekinn
Fyrir 4 dögum

Ýmislegt góðgæti í boði fyrir veiðimenn

Ýmislegt góðgæti í boði fyrir veiðimenn
Pressan
Fyrir 5 dögum

Skrímslið frá Worcester fær reynslulausn

Skrímslið frá Worcester fær reynslulausn
Pressan
Fyrir 5 dögum

Danir ætla að vista fanga í Litháen – Semja við Litháa um byggingu og rekstur fangelsis

Danir ætla að vista fanga í Litháen – Semja við Litháa um byggingu og rekstur fangelsis