Fimmtán ára stúlka í Rússlandi lést af völdum raflosts eftir að hún missti iPhone símann sinn í vatnið á meðan hún var í baði. Samkvæmt rússneskum fjölmiðlum var Irina Rybnikova í baði með símann sinn í hleðslu, hún var að senda skilaboð á vini sína þegar hún missti símann í baðið. Foreldrar hennar fundu hana látna. Atvikið átti sér stað í borginni Bratsk í miðju Rússlandi.
Irina var mjög hæfileikarík í bardagalistum og hafði unnið mörg mót, í haust varð hún rússlandsmeistari ungmenna í blönduðum bardagalistum.
Samkvæmt vinum hennar stefndi hún að verða heimsmeistari. „Hún var ótrúleg manneskja og besta vinkona mín. Hún ætlaði að ná langt í öllum íþróttum. Hún var byrjuð að tala um að flytja í aðra borg til að fara í háskólanám,“ er haft eftir vinkonu hennar. „Allir elskuðu hana, hún var vingjarnleg, góðhjörtuð og allir elskuðu hana.“
