Daninn Andreas Hvid er í miklum vandræðum í Egyptalandi eftir að hann og óþekkt kona klifruðu upp á stóra píramídann í Giza og tóku myndir af sér stunda samfarir. Málið hefur valdið mikilli hneykslun í Egyptalandi sem og víðar, telja margir þetta grófa vanvirðingu við þjóðina sem og hið 4.500 ára gamla píramída. Það eru þrír píramídar í Giza, rétt fyrir utan Kaíró höfuðborg Egyptalands, parið er á þeim stærsta sem talið er að hafi verið grafhýsi Khufu faró.
Myndband af þeim Hvid og konunni birtist á vefnum í nóvember en var fjarlægt skömmu síðar, það birtist síðan aftur á YouTube núna um helgina. Hvid og konan eru í miklum vandræðum og hefur ráðuneyti fornminja vísað málinu inn á borð ríkissaksóknara í Egyptalandi. Það er stranglega bannað að klifra upp á píramídana og það er einnig stranglega bannað að stunda kynlíf á almannafæri. Hvid segir við myndbandið:
„Í lok nóvember klifraði ég og vinkona mín upp á stóra píramídann í Giza. Við óttuðumst að vera tekin af vörðunum, ég birti ekki alla klukkutímana sem fóru í að læðast um áður en við klifruðum upp.“