Faizal Coto, 33 ára slökkviliðsmaður, fannst látinn fyrir utan bifreið sína í Brooklyn snemma í gærmorgun. Coto var með mikla áverka á höfði og var bifreið hans lítillega skemmd að framan. Telur lögregla að hann verið drepinn.

Í frétt CBS News er haft eftir lögreglu að grunur leiki á að dæmigerðan umferðarofsa (e. road rage) hafi verið að ræða; þegar ökumönnum lendir harkalega saman af lítilli, jafnvel engri, ástæðu. Frá því menn fóru að aka bifreiðum fyrir rúmum hundrað árum hafa slys og óhöpp verið óhjákvæmilegur fylgifiskur.

Lögregla rannsakar málið sem morð og leitar hún nú að ökumanni bifreiðar af gerðinni Infinity G35. Á eftirlitsmyndavélum má sjá litla skemmd á þeirri bifreið sem varpar enn meira ljósi á þann grun lögreglu að mennirnir hafi lent í umferðaróhappi áður en ósköpin dundu yfir.