Þrír voru skotnir til bana á jólamarkaði í miðborg Strasbourgr í Frakklandi í gærkvöldi og tólf til viðbótar særðir, þar af margir alvarlega. Lögreglan segir að árásarmaðurinn heiti Chekatt Cheris og sé 29 ára heimamaður. Hann gengur enn laus. Stjórnvöld hafa aukið viðbúnað í landinu vegna árásarinnar. Aukin öryggisgæsla verður í borgum og bæjum um allt land og landamæraeftirlit verður aukið.

Árásin hófst skömmu eftir klukkan 20 í gærkvöldi að staðartíma þegar Cheris hóf skothríð á Place Kleber jólamarkaðnum en hann laðar milljónir ferðamanna til sín árlega. Sky segir að eitt fórnarlambanna sé tælenskur ferðamaður.

Þungvopnaðir lögreglumenn voru á hlaupum á markaðnum skömmu eftir að skothríðin hófst og hann var síðan rýmdur.

Lögreglumenn eltu Cheris í rúmlega tvær klukkustundu og náðu að króa hann af. Þá kom til skotbardaga á milli hans og hermanna og særðist Cheris en slapp samt sem áður á brott að sögn lögreglunnar. Einn hermaður særðist einnig.

Lögreglan segir að Cheris sé grunaður um rán og að handtaka hafi átt hann í gær vegna málsins. Hann var einnig á lista yfir þá sem frönsku samfélagi stendur ógn af.

Við leit heima hjá honum fannst sprengiefni.

Málið er rannsakað sem hryðjuverk. Mikil leit stendur enn yfir að Cheris.

Jólamarkaðurinn í Strasbourg en einn sá elsti í heimi en þar eru settir upp um 300 sölubásar og stendur markaðurinn yfir í heilan mánuð, allt frá jóladagskvöld.