Tveir tæknimenn fundust látnir í McMurdo-rannsóknarstöðinni á Suðurskautslandinu í vikunni. Talið er að mennirnir hafi látist af slysförum en rannsókn á tildrögum þess stendur yfir.
Bandaríkjamenn reka umrædda stöð og voru mennirnir að vinna að uppsetningu slökkvikerfis í húsi sem meðal annars hýsir rafal fyrir útvarpssendi.
Það var þyrluflugmaður sem kom að þeim látnum eftir að hafa séð reyk koma frá húsinu. Mönnunum var veitt skyndihjálp á staðnum, annar var þegar látinn en hinn lést skömmu eftir komuna á heilsugæslu á svæðinu.
National Science Foundation segir að málið sé í rannsókn og hafa frekari upplýsingar um mennina tvo ekki verið gefnar upp. Þeir voru starfsmenn PAE, verktakafyrirtækis í Virginíu.
McMurdo-rannsóknarstöðin á Ross-eyju er sú stærsta á Suðurskautslandinu og eru þar um eitt þúsund starfsmenn þar núna.