Það var ekki ferð til fjár þegar 29 ára karlmaður ætlaði að brjótast inn í veitingastað í San Lorenzo nærri San Francisco í Bandaríkjunum nýlega. Hann sá sér þann snilldarleik á borði að nota loftstokkinn á húsinu til að komast inn. En þar festist hann og sat fastur í tvo daga þar til einhver heyrði hann kalla á hjálp.

Lögreglan skýrði frá þessu á Twitter og sagði að maðurinn hafi fundist í loftstokknum og hafi slökkviliðsmenn bjargað honum úr prísundinni. Þá tók lögreglan við honum og setti hann í aðra prísund, fangageymslur sínar, eftir að hafa farið með hann á sjúkrahús til læknisskoðunar.

Það tók um eina klukkustund að losa manninn úr loftstokknum.