Þegar Daniel Medina var á ferð í bíl sínum með tveimur ungum sonum sínum, 6 og 10 ára, í Milwaukee í Wisconsin báðu þeir hann skyndilega um stöðva. Hann skildi ekkert í þessari beiðni enda ískalt og snjór yfir öllu.

Það leitaði því á hann hvað þeir væru að hugsa og af hverju þeir vildu að hann stöðvaði bílinn. En hann gerði það sem þeir báðu um. Skyndilega sá Daniel það sem synir hans höfðu séð, mann á gangstéttinni.

Kannski ekki í frásögur færandi nema hvað maðurinn var í hjólastól og var að moka snjó. Þetta gátu feðgarnir ekki horft upp á enda þungur og blautur snjór sem erfitt var að eiga við. Þeir hoppuðu því allir út og gripu skóflur og hjálpuðu manninum við moksturinn.

Þetta gerðist fyrir tveimur árum en Facebookfærsla Daniel um þetta fór af einhverjum ástæðum á flug á netinu nýlega enda kannski ekki úr vegi að fjalla um góðverk sem þetta í aðdraganda jólanna.