Ken hafði fylgst með tveggja ára dóttur þeirra hjóna vaxa úr grasi og naut þess að fylgjast með henni dafna. Eiginkona hans lést 2012 og hann átti engin barnabörn sjálfur og því var Cadi honum hjartfólgin.
Nokkrum vikum eftir andlát hans var dóttir hans, Jenny, að þrífa heimili hans. Þá fann hún poka fullan af jólagjöfum og var hann merktur Cadi. Hún kom pakkanum til skila. Í honum voru 13 jólapakkar handa Cadi. Einn fyrir hvert ár þar til hún verður 16 ár. Hann hefur greinilega lagt mikla vinnu í að velja gjafir og pakka þeim inn.
Daily Mail hefur eftir Owen og Caroline að þetta hafi svo sannarlega snert strengi í hjörtum þeirra og ekki hafi verið laust við að tár hafi brotist fram. Ken hafði sagt nágrönnum sínum að hann vonaðist eftir að ná 100 ára aldri svo hann gæti fylgst með Cadi vaxa úr grasi.
Cadi hefur nú þegar opnað gjöf þessa árs en í pakkanum var barnabókin Christmas Eve at the Mellop‘s eftir Tomi Ungerer.
Owen segir að nokkrar bækur séu í staflanum, þá séu einnig mjúkir pakkar og kannski Duplo.