Það er iðulega ein eftirminnilegasta stund hvers ástarsambands þegar annar aðilinn biður hinn um hönd sína í hjónabandi. Tilvik þeirra Daniellu og John er hins vegar eitthvað sem þau og vinir þeirra munu seint getað gleymt. Parið, sem er frá Bretlandi, var á ferðalagi í New York borg og voru stödd á hinu fræga Times Square þegar John fór niður á eitt hné til að biðja Daniellu um að giftast sér. Það heppnaðist ekki betur en svo að hringurinn datt niður grind á gangstéttinni. Þau reyndi lengi að ná honum en höfðu ekki erindi sem erfiði.
Lögreglan í New York, NYPD, sá þau á upptökum og tókst lögregluþjónum að finna hringinn, en þá voru John og Daniella löngu farin. NYPD brá þá á það ráð að auglýsa eftir parinu á Twitter og fundu þau með hjálp 25 þúsund netverja. John og Daniella ætluðu ekki að trúa því þegar lögreglan sagðist hafa fundið hringinn þeirra:
„Við erum í sjöunda himni, við trúum þessu ekki,“ sagði John í samtali við breska fjölmiðla vegna málsins.
„Við vorum alveg eyðilögð. Ég grét og grét. Þetta var versta augnablik ævi minnar,“ sagði Daniella.
NYPD setti á Twitter: „Takk Twitter! Case Closed! Ástarkveðjur John og Daniella, NYPD.“