Maður var myrtur með öxi og hníf á götu úti í Tumba sunnan við Stokkhólm á sjöunda tímanum í morgun. Aðgerðir lögreglunnar standa enn yfir á vettvangi. Tilkynnt var um átök utan við hús í Tumba og að þar væri einhver vopnaður öxi eða einhverju álíka.
Lögreglan hefur ekki viljað staðfesta að öxi hafi verið beitt en hefur staðfest að einn sé látinn og að einn hafi verið handtekinn vegna málsins. Aftonbladet segist hafa heimildir fyrir að öxi hafi verið beitt.