Vorveiðin byrjar formlega á sunnudaginn, sjóbirtingsveiðin byrjar og eitt og eitt vatn opnar eins og Meðalfellsvatn líka .Biðin er á enda, sem margir þola illa, að bíða og bíða.

Víða er hægt að renna eins og í Húseyjarkvísl, Leirá,  Grímsá, Laxá í Kjós, Varmá, Minnivallarlæk,
Hólsá austurbakki,  Geirlandsá, Tungulæk og Tungufljót,  svo einhverjir staðir séu nefndir.

,,Það verður gaman að renna en ég ætla austur á Klaustur, þar verður veiði,“ sagði veiðimaður sem ætlaði austur á Kirkjubæjarklaustur þar sem heimavöllur sjóbirtingsins er staðsettur.

Veiðin byrjar snemma á sunnudagsmorguninn á flestum stöðum  og sumir geta ekki beðið.,, Já við erum að opna Minnivallarlækinn, spáin er ágæt svo vel gæti veiðst,“ sagði Þröstur Elliðason en hann ætlaði ekki að renna sjálfur. ,,Það eru veiðimenn sem hafa veitt áður í opnun sem mæta á sunnudaginn,“ sagði Þröstur ennfremur.

Mynd. Selma Björk Ísabella Gunnardóttir á veiðislóðum fyrir austan með flottan sjóbirting. Mynd Ólafur.