Veiðin í vötnunum er að komast af stað, nokkrir hafa nú þegar skroppið til veiða eins og upp að Vífilsstaðavatni, Kleifarvatn, Meðalfellsvatni eða farið í Hraunsfjörðinn.
En veiðin mætti vera betri en það er spáð hlýju veðri um helgina og allt getur gerst. Fiskurinn fer að gefa sig.
,,Ég fór upp að Meðalfellsvatni vatni um síðustu helgi en fékk bara einn silung, en mikið ofsalega var gaman og útiveran góð,“ sagði veiðimaður sem ætlaði í Vífilsstaðavatnið um helgina.
Veiðimenn hafa að reyna við Vífilsstaðavatn í vikunni og einhverjir hafa fengið veiði, allt er þetta að koma. Þrír voru fyrir nokkrum dögum að reyna.
Mynd. Veiðimaður reynir við Vífilsstaðavatn fyrir fáum dögum. Mynd G.Bender
