,,Það var sannkallaður ævintýradagur hjá mér 14.apríl. Ég kíkti í Mýrarkvísl um 10 leytið og prófaði stað númer tvo sem oft geymir stórann urriða á vorin,“ segir Valdimar Heiðar Valsson sem var í Mýrarkvísl og Brunná.,,Ég fékk tvo fína urriða á rolluna hans Svein Þórs og var mjög sáttur. Ég ætlaði að halda áfram í Mýrarkvísl en það var búið að rigna alla nóttina og um morguninn þannig áin var farin að litast. Ég ákvað þá að keyra yfir í Brunná/Sandá og kasta þar í 1-2 tíma. Ég hef oft lent í góðri veiði þar þannig ég vissi að það var þess virði að keyra þangað fyrir svona stuttan tíma,“ sagði Valdimar Heiðar.
,,Til að gera langa sögu stutta að þá lenti ég í algjöru ævintýri. Ég veiddi í tæpa 3 tíma og landaði 20-25 fiskum frá 55-69 cm. Ég bjóst aldrei við að tapa tölunni á veiddum fiskum en það gerðist þarna. Fullt af tökum og missti nokkra og tvo mjög stóra. Annar sleit 15 punda taum og hinn fór af eftir snarpa baráttu. Þetta var algjört ævintýri sem ég efa um að ég muni upplifa aftur,, sagði Valdimar Heiðar heldur úti snappi fyrir veiðimenn.
