Síðasta Opna hús vetrarins hjá Stangaveiðifélagi Reykjavíkur verður haldið föstudagskvöldið 4. maí í Rafveituheimilinu. Eins og venja er verður sumrinu fagnað , veiðifólk spjallar og skemmti sér saman.
Dagskráin er svohljóðandi:
Húsið opnar klukkan 19.00
Kl 20.00 Setur nýkjörinn formaður hátíðahöldin og segir frá sínum fimm uppáhalds veiðistöðum.
Anna Þórunn Reynis, formaður Kvennanefndar, segir frá starfi nefndarinnar og veiðiferð sem heill hellingur af vöskum veiðikonum fóru í til Skotlands um helgina.
– Veiðistaðalýsing úr Varmá
– Veiðistaðalýsing úr Eldvatnsbotnum
– Stútfullur Happahylur með veiðivörum, veiðileyfum og fleira góðgæti
Allir eru hvattir til að mæta, hitta annað stórskemmtilegt veiðifólk og fagna komu sumarsins eins og áður kom fram.
