Það er ekki auðvelt að frétta að manni sé ekki boðið. Það á sérstaklega við í tilviki Lolu Brown, stúlku sem var búin að hlakka svo til að fara í brúðkaup Harry Prins og Meghan Markle í gær. Það var ekki fyrr en hún spurði mömmu sína hvenær þær ætluðu að finna kjól að hún frétti að hún fengi ekki að fara þar sem konunglega brúðkaupið er aðeins fyrir kóngafólk og þá frægu. Myndbandið rataði á Facebook þar sem meira en 1,4 milljón hefur séð það og 22 þúsund manns líkar við það.
„Ég var búin að hlakka svo mikið til,“ segir Lola við móður sína. Svo virðist sem málið byggist á misskilningi, móðir hennar hafi sagt Lolu að þær ætluðu að horfa á konunglega brúðkaupið í sjónvarpinu og svo spurt hvort henni hlakkaði ekki til að fara í teboð í skólanum.
„Þú verður að vera konungborin til að fara í brúðkaupið,“ sagði móðir hennar. Sem betur fer endaði þetta vel og Lola var sátt við að horfa á brúðkaupið í sjónvarpinu.