Samkvæmt frétt CBS þá héldu stjórnendur keðjunnar því fram að upptaka hefði náðst á eftirlitsmyndavél af Ortiz þegar hún stal peningunum. Þegar Ortiz bað um að fá að sjá upptökuna var henni sagt að búið væri að eyða henni.
Ortiz fór í mál við keðjuna og sagði að uppsögnin hefði verið óréttmæt.
Á sunnudaginn kvað dómur í Kaliforníu upp dóm í málinu og var skyndibitakeðjunni gert að greiða Ortiz 8 milljónir dollara, sem svarar til um 815 milljóna íslenskra króna, í bætur fyrir óréttmæta uppsögn og fyrir að hafa valdið henni miklu tjóni með uppsögninni.
Verjandi keðjunnar sagði að Ortiz hafi verið vel liðin í starfi en hafi brotið gegn trausti fyrirtækisins þegar hún stal peningum frá því. Lögmaður Ortiz sagði hins vegar að enginn grundvöllur hefði verið fyrir þjófnaðarásökununum því Ortiz hafi alla tíð fengið fyrirtaks umsögn í starfi og hafi auk þess verið með góð laun eða 70.000 dollara á ári og fyrirtækið hafi verið búið að ræða við hana um að hækka hana í tign og um leið laun hennar í 100.000 dollara á ári.
Kviðdómur komst að þeirri niðurstöðu að Ortiz hafi verið fórnarlamb misheppnaðrar tilraunar til hvítþvottar af hálfu Chipotles. Fyrirtækið hafi óttast að hún myndi sækja um bætur vegna vinnuslyss og því hafi verið ákveðið að segja henni upp störfum.
