Í viðtalinu benti hann á að óskir Bandaríkjanna um að ekki verði lögð gasleiðsla frá Rússland til Þýskalands eigi rætur að rekja til áhuga Bandaríkjanna á að selja gas til Evrópu. Bandaríkjamenn hafi byggt stórar gasstöðvar sem þeir verði að þéna á. Það verði þó dýrara fyrir Evrópu að kaupa það gas en frá Rússlandi.
Altmaier sagði einnig að Evrópa muni mæta því af fullum þunga ef bandarísk stjórnvöld reyni að setja eigin efnahagslegu hagsmuni ofar hagsmunum ríkja sem hafa verið nánir bandamenn Bandaríkjanna til þessa. Bandaríkin verði þá að reikna með að Evrópa muni skilgreina eigin hagsmuni og verja þá með kjafti og klóm.
