BBC skýrir frá þessu. Egg hafa bæði verið lofuð og löstuð í gegnum tíðina. Ótti við salmonellu og of mikla blóðfitu hafa oft orðið til þess að hollusta þeirra hefur verið dregin í efa. En það má kannski segja að egg hafi átt sterka endurkomu á undanförnum árum. Sumir læknar eru farnir að ráðleggja fólki að borða egg en þau eru prótínrík og innihalda A, D, B og B12 vítamín auk efna sem draga úr líkum á að fá augnsjúkdóma á efri árum.
Niðurstaða kínversku vísindamannanna er að það að fullorðnir borði eitt egg á dag dragi úr líkunum á hjarta- og æðasjúkdómum. Þeir leggja einnig áherslu á að það sé ekki eggjaneyslan ein og sér sem dregur úr líkunum á hjarta- og æðasjúkdómum heldur verði einnig að gæta að mataræðinu í heild.