Á öðrum tímanum í nótt var tilkynnt um hávaða og læti úr íbúð í austurhluta borgarinnar. Þarna hafði einn íbúanna orðið nokkuð æstur og var hann búinn að skemma innanstokksmuni þegar lögregluna bar að garði. Maðurinn var handtekinn og vistaður í fangageymslu.
Skráningarnúmer voru klippt af fjórum bifreiðum í nótt þar sem eigendum þeirra hafði láðst að greiða tryggingariðgjöld og færa þær til lögbundinnar skoðunar.