Niðurstaða nýrrar rannsóknar sýnir að það getur verið hættulegt að sofa við opinn glugga. Það voru vísindamenn við Johannes Gutenberg háskólann í Mainz í Þýskalandi sem rannsökuðu þetta og komust að þeirri niðurstöðu að hávaði sem berst inn, oft hávaði frá umferð, hafi neikvæð áhrif á líkamann og það jafnvel þótt fólk vakni ekki við hávaðann.

Thomas Münzel er aðalhöfundur rannsóknarinnar og niðurstaða hans er að hávaðinn valdi stressviðbrögðum sem hafi neikvæð áhrif á hjartað og auki því líkurnar á hjartaáfalli.

Hávaði hefur meiri áhrif á fólk að næturlagi en að degi til. Münzel segir að hávaðinn frá einum bíl, sem er ekið framhjá opnum glugga að næturlagi, hækki blóðþrýstingin og auki blóðfituna. Hann telur að hávaðinn geti einnig leitt til andlegra kvilla eins og kvíða og þunglyndis.

Niðurstaða rannsóknarinnar er skýr: Lokaðu glugganum áður en þú ferð að sofa, sérstaklega ef þú býrð þar sem vænta má mikils hávaða frá umferðinni.