Alþjóðaheilbrigðismálastofnunin WHO hefur sagt að fjölónæmar bakteríur sé eins mesta ógnin sem steðjar að mannkyninu. Fjölónæmar bakteríur eru afleiðing ofnotkunar á sýklalyfjum. Danskir vísindamenn hafa nú skrifið eitt skref í átt að frekari skilningi á hvernig bakteríurnar þróa ónæmi gegn sýklalyfjum og hvernig þær dreifast. Þessi vitneskja getur gagnast í baráttunni gegn þessari ógn sem fjölónæmar bakteríur eru.

Vísindamenn við Kaupmannahafnarháskóla og danska Tækniháskólann hafa rannsakað bakteríur í skólpi frá sjúkrahúsum. Niðurstaða rannsóknarinnar er að fjölónæmar bakteríur berast með skólpinu og að fjölónæmi hjá baketeríum þróist í skólpkerfinu. Einnig komust þeir að því að bakteríur geta flutt gen sín yfir til annarra baktería í miklu meiri mæli en áður var vitað.

Það er þó  engin þörf á að örvænta vegna þess því bakteríur hafa alltaf getað flutt gen sín yfir í aðrar bakteríur. Ljósi punkturinn er að sögn vísindamannanna að nú sé þetta vitað og þá sé hægt að gera eitthvað við þessu.

Þegar bakteríur skiptast á genum þýðir það í stuttu máli að þær geta skipst á hæfileikum. Það er einmitt þetta sem gerir þeim kleift að verða ónæmar fyrir sýklalyfjum. Dagblaðið Information skýrir frá þessu.