Bandaríska matvæla- og lyfjaeftirlitið (FDA) segir að mörg þessi gel innihaldi lyf sem heitir benzocaine. Lyfið sem um ræðir getur valdið lífshættulegum aukaverkunum hjá börnum, sérstaklega þeim sem eru á aldrinum 0-2 ára.
Þrátt fyrir þessi varnaðarorð bandarískra yfirvalda hafa mörg fyrirtæki haldið áfram framleiðslu á lyfinu. FDA hefur þó varað við efninu, hvatt fyrirtæki til að hætta að nota efnið en þrátt fyrir hefur fjöldi tilkynninga um veikindi eða dauðsföll ekki minnkað. Raunar segir FDA að fáar vísbendingar séu um gagnsemi tanngela og af þeim sökum væri best að taka þau af markaði.
Talið er að rekja megi fjögur dauðsföll til inntöku Benzocaine í Bandaríkjunum á árunum 2009 til 2017, en efnið er meðal annars talið geta valdið öndunarerfiðleikum.
Forsvarsmenn Curch and Dwight Co. Inc. sögðu í gær að fyrirtækið myndi hætta framleiðslu á fjórum Orajel-gelum, þar á meða Baby Orajel og Orajel Medicated Teething Swabs. Hefur FDA sagt að gripið verði til lagalegra aðgerða gegn öðrum fyrirtækjum sem hlíta ekki tilmælum stofnunarinnar.