1983 hvarf William Howard Hughes Jr. á dularfullan hátt eftir að hann hafði tekið 28.000 dollara út úr banka. Hann var þá 33 ára og foringi í bandaríska flughernum. Síðast sást til hans í Albuquerque sumarið 1983 þegar hann tók peningana út úr banka en þá var hann nýkominn heim eftir 14 daga frí í Evrópu.

Los Angelse Times skýrir frá þessu og segir að Hughes hafi unnið að leynilegum verkefnum á vegum hersins á þessum tíma en kalda stríðið var þá í algleymingi. Hann var sérfræðingur í ratsjártækni og vann að verkefnum á því sviðið.

Hann var handtekinn á miðvikudag í síðustu viku í Kaliforníu í tengslum við rannsókn lögreglunnar á fölsuðum skilríkjum. Hann sagðist hafa verið orðinn þunglyndur af að starfa hjá flughernum og því hafi hann ákveðið að láta sig hverfa. Hann lifði undir fölsku flaggi í 35 ár eða allt þar til í síðustu viku. Ekki er talið að hann hafi njósnað fyrir Sovétríkin.

Hughes situr nú í varðhaldi í herstöð í Kaliforníu en hann verður ákærður fyrir liðhlaup.