Lögreglan handtókn manninn á þriðjudaginn og gerði húsleit á heimili hans. Sérfræðingar í eiturefnagöllum sáu um framkvæmd húsleitarinnar. Bild segir að lögreglan hafi fengið ábendingu frá erlendri leyniþjónustu um að maðurinn hyggðist búa til sprengju.
Maðurinn er sagður hafa keypt ýmis efni og búnað á undanförnum vikum sem er hægt að nota til að búa til sprengju. Hann er einnig sagður hafa keypt mörg þúsund fræ sem er hægt að nota til að búa ricin til.
Þýskir saksóknarar telja að maðurinn hafi haft í hyggju að fremja hryðjuverk. Bild segir að ekki sé vitað hvar hann hafi ætlað að láta til skara skríða ef hann myndi sprengja sprengju.
Talið er að maðurinn hafi fylgt leiðbeiningum frá hryðjuverkasamtökunum sem kenna sig við Íslamska ríkið um sprengjusmíði þar sem ricin væri notað til að valda sem mestu manntjóni.