Frakkar eru nú að smíða girðingu í kringum Eiffel-turninn í París til að hindra að þetta helsta kennileiti Evrópu verði fyrir skemmdum af völdum hryðjuverka. Girðingin nýja er varanleg og kemur í stað tímabundinna girðinga sem settar voru upp árið 2016.
Samkvæmt BBC kostar girðingin rúmar 35 milljónir evra, eða 4,3 milljarða króna. Girðingin er engin smásmíði, minnir meira á vegg með skotheldu gleri. Rekstraraðilar Eiffel-turnsins eru vissir að girðingin stoppi hvað sem er og muni líta vel út fyrir Ólympíuleikana í París árið 2024. Til að koma í veg fyrir að hryðjuverkamenn noti ökutæki til að keyra niður girðinguna verða 420 hindrunum komið fyrir.
Rúmlega 7 milljónir heimsækja Eiffel-turninn árlega, 240 manns hafa látið lífið í hryðjuverkaárásum í Frakklandi frá 2015.