Kínverjar hafa gert ljóst að þeir muni svara öllum refsitollum á kínverskar vörur með svipuðum aðgerðum gegn bandarískum vörum. Wang Yi, utanríkisráðherra Kína, endurtók þessa aðvörun í gær á fréttamannafundi með bandarískum starfsbróður sínum, Mike Pompeo.
Hann sagði að ríkin hefðu tvo möguleika í stöðunni. Annar væri samvinna sem gagnaðist báðum ríkjum en hinn væri tollastríð sem kæmi báðum ríkjum illa.