Þetta kemur fram í nýrri skýrslu frá indversku hugveitunni Niti Aayog sem rannsakaði gögn frá 24 af 29 ríkjum Indlands. Fram kemur að staðan muni „aðeins versna“ á næstu árum. Um 200.000 Indverjar deyja árlega þar sem þeir hafa ekki aðgang að hreinu vatni eftir því sem segir í skýrslunni.
Margir notast við sínar eigin vatnsbirgðir eða fá vatn úr tönkum sem hið opinbera leggur til. Í fátækrahverfum landsins er algengt að fólk bíði í röðum eftir að geta náð sér í hreint vatn.
Eins og víðar þá fjölgar íbúum bæja og borga og það eykur enn vatnsnotkunina í þéttbýlinu. Í skýrslunni kemur fram að 2030 muni eftirspurn eftir vatni vera tvöfalt meiri en vatnsbirgðirnar.