Laganna verðir brugðust að sjálfsögðu skjótt við og fóru á vettvang. Þeir fundu manninn fljótt og ræddu við hann. Kom þá í ljós að hann hafði ætlað á klósettið í fjölbýlishúsi þar sem hann hafði verið en fyrir mistök hafði hann hafnað úti á götu. Lögreglan skýrði frá þessu á Twitter.
TV2 hefur eftir talsmanni lögreglunnar að maðurinn hafi ekki getað gefið neina frekari skýringu á þessum mistökum.
Lögreglumenn gátu aðstoðað manninn við að komast aftur inn í íbúðina. Talsmaður lögreglunnar sagði að maðurinn hafi ekki verið undir áhrifum vímuefna. Hann hafi verið ringlaður sem væri ekki furða þegar maður lendir úti á götu í stað þess að komast á klósettið.
Kona var í íbúðinni og tók hún á móti óheppna manninum.