Aftonbladet segist hafa heimildir fyrir að mennirnir hafi verið að koma út af internetkaffihúsi þegar skotið var á þá. Í fyrstu var talið að fjórir hefðu særst en síðan gaf fimmti maðurinn sig fram við lögregluna.
Aftonbladet segir að bíl hafi verið lagt fyrir utan kaffihúsið. Þegar mennirnir komu þaðan út steig maður út úr bílnum og skaut á þá. Síðan var dökkum bíl ekið mjög greitt á brott. Lögreglustöð er rétt hjá og var lögreglan fljót á staðinn.
Lögreglan vildi ekki tjá sig um alvarleika meiðslanna nú á tíunda tímanum að staðartíma en mennirnir hafa allir verið fluttir á sjúkrahús.
