Þekktur norskur lögmaður var handtekinn í ágúst á síðasta ári þar sem hann gekk nakinn um á nektarströnd í Osló en um leið var hann öskrandi og sló frá sér með gervilim. Hann var nýlega dæmdur til samfélagsþjónustu en hann á að skila af sér 75 klukkustunda vinnu í þágu samfélagsins. Ef hann gerir það ekki þarf hann að sitja í fangelsi í 60 daga.
En maðurinn var ekki aðeins dæmdur fyrir nekt og gervilimaslátt því hann var einnig ákærður fyrir vörslu og neyslu fíkniefna en lögreglan hafði 11 sinnum haldlagt fíkniefni hjá honum.
Maðurinn játaði brot sín. Hann hefur ekki starfað sem lögmaður síðan á síðasta ári en hefur ekki verið sviptur lögmannsréttindum sínum.
TV2 skýrir frá þessu.
