Karlmaður lést á ríkissjúkrahúsinu í Kaupmannahöfn í nótt eftir að hann var skotinn á götu úti á Amagerfælledvej í Kaupmannahöfn. Lögreglunni barst tilkynning um skothríð á bifreiðastæði við Hørgården klukkan 23.03. Á vettvangi fundu lögreglumenn illa særðan mann. Hann var fluttur á sjúkrahús en ekki tókst að bjarga lífi hans og var hann úrskuraður látinn í nótt.
Lögreglan hefur ekki enn viljað veita frekari upplýsingar um manninn.
Klukkan 23.21 var tilkynnt um brennandi bíl í Brøndby. Ekki er enn ljóst hvort tengsl eru á milli bílbrunans og morðsins en algengt er að afbrotamenn kveiki í bílum sem þeir nota á flótta frá brotavettvangi.
