Í miðju óveðrinu var Curiosity látinn taka þessa fínu sjálfsmynd sem prýðir þessar grein. Myndavélaarmur vélmennisins, Mars Hand Lens Imager, var notaður til verksins en þetta er líklegast dýrasta „sjálfustöng“ heims.
Ef vel er að gáð sést hola í steini við hlið Curiosity en vélmennið gerði hana en það er notað við ýmsar rannsóknir á Mars. Ekki er langt síðan að tilkynnt var að Curiosity hefði fundið ummerki um lífrænar sameindir á Mars.
Sandstormurinn er gríðarlega stór og hylur stóran hluta af Mars. Starfsbróðir Curiosity, Opportunity, er staddur hinum megin á Mars en þar er stormurinn enn öflugri og skyggir algjörlega á sólina og birtuna frá henni. Það er óhentugt fyrir Opportunity sem er knúin með sólarorku. Vélmennið er því í dvala og óvíst er hvort samband næst aftur við það þegar storminum slotar. Curiosity er hins vegar kjarnorkuknúinn og því er hann starfhæfur sem fyrr.
NASA nýtir tækifærið til að rannsaka sandstorminn og upptök hann og hvernig hann breiðist úr og herjar á Mars. Síðast geisaði svipaður stormur á Mars 2007 en þá voru hvorki Curiosity eða Opportunity þar til að fylgjast með og afla gagna. Auk þeirra er þrír gervihnettir á braut um Mars og safna stöðugt upplýsingum.