Þrír ungir menn, 19, 21 og 22 ára, voru skotnir í Husum í Kaupmannahöfn í gærkvöldi. Lögreglunni bárust tilkynningar um skothríð klukkan 21.39. það fylgdi sögunni að nokkrum bílum hefði verið ekið frá vettvangi.
Ungu mennirnir komu sér sjálfir á sjúkrahús en þeir eru ekki í lífshættu. Lögregluvörður var settur við sjúkrahúsið í framhaldinu en ekki er ólíklegt að málið tengist átökum glæpagengja í borginni. Lögreglan vildi þó ekki staðfesta það.