Tveimur slökkviliðsmönnum, karli og konu, hefur verið vikið tímabundið frá störfum hjá slökkviliðinu í Akron í Ohio í Bandaríkjunum á meðan rannsókn stendur yfir á hvort þau hafi tekið klámmyndir upp á slökkvistöðinni. Klámmyndirnar eru sagðar hafa verið birtar á netinu.

Fólkið, sem hefur átt í ástarsambandi árum saman, er grunað um að hafa tekið klámmyndir upp í æfingaaðstöðu slökkviliðsins. Yfirstjórn slökkviliðsins vinnur nú að rannsókn málsina af miklum krafti en ábending barst í síðustu viku um að parið hefði nýtt aðstöðu slökkviliðsins til framleiðslu klámmynda.

Akron Beacon Journal segir að í mörgum myndböndum sjáist konan nakin, þar á meðal í æfingaaðstöðu slökkviliðsins.

Karlinn og konan hafa starfað hjá slökkviliðinu í Akron síðan 2000 og hafa staðið sig vel í starfi allan þennan tíma.