Það var ekki fyrr en mánudaginn 18. júní sem lögreglan fékk veður af málinu. Umfangsmikil rannsókn hófst strax og það leiddi til þess að á föstudaginn var 34 ára karlmaður handtekinn vegna málsins. hann var úrskurðaður í gæsluvarðhald á laugardaginn. Hann neitar sök.
Hans Roost, talsmaður lögreglunnar, sagði í samtali við Ekstra Bladet þess séu dæmi að börn skýri ekki strax frá atburðum sem þessum. Hann sagði að lögreglunni hefði borist veður af málinu og hefði þá rætt við stúlkuna og þá hefði þetta komið fram.
Í framhaldinu hófst umfangsmikil rannsókn og voru lögreglumenn til dæmis við rannsóknarstörf við Legind Sø á Mors dögum saman en þar leika börn sér oft.
Ekstra Bladet segir að sá handtekni sé þekktur kynferðisbrotamaður en hann hefur hlotið dóm fyrir að hafa nauðgað barni á Djursland og fyrir að reyna að blekkja barnungar stúlkur til kynlífsiðkunar.