Klukkan 23.52 í gærkvöldi varð umferðarslys á Breiðholtsbraut við Reykjanesbraut. Þar var bifreið ekið á ljósastaur. Skömmu áður höfðu lögreglumenn mælt hraða bifreiðarinnar 120 km/klst en leyfður hámarkshraði er 60 km/klst. Ökumaðurinn er grunaður um ölvun við akstur og að hafa ekki verið í öryggisbelti.
Hann var fluttur á sjúkrahús með sjúkrabifreið en ekki er vitað um alvarleika meiðsla hans. Bifreiðin var fjarlægð með dráttarbifreið og starfsmenn Orkuveitunnar komu á vettvang vegna ljósastaursins.