Danska ríkisútvarpið hefur eftir Liva Davidsen, hjá lögreglunni á Grænlandi, að af þessum ástæðum hafi verið ákveðið að rýma þorpið. Hún sagði að vindáttin væri hagstæð í dag og því væri vonast til að jakann reki á brott frá þorpinu.
Það er Grænlendingum enn í fersku minni þegar fjórir létust og ellefu slösuðust í mikilli flóðbylgju sem skall á þorpinu Nuugaatsiaq við Uummannaq þann 17. júní á síðasta ári. Þá féll mikil skriða í sjó fram og hratt stórri flóðbylgju af stað. Nuugaatsiaq og nágrannaþorpið Illorsuit standa bæði tóm enn í dag því óttast er að önnur skriða falli í sjó fram.