Juan Carlos Osorio, þjálfari karlaliðs Mexíkó í knattspyrnu, er eitt heitasta umræðuefnið í Mexíkó í dag eftir að spurðist út að hann hefði tekið eiginkonu sína og unga ástkonu með á völlinn þegar Mexíkó tapaði 2-0 fyrir Brasilíu í 16 liða úrslitum HM. Gagnrýnendur hans segja að þetta hafi valdið því að hann gat ekki einbeitt sér að leiknum sem hafi verið einn sá mikilvægasti á undanförnum árum.

Mexíkóskir fjölmiðlar segja að Osorio hafi boðið eiginkonu sinni, sem hann á tvö börn með, á leikinn og einnig ástkonu sinni, hinni þrítugu Mariana Zararías, til tveggja ára. Þetta fer fyrir brjóstið á mörgum og rætt er um einbeitingarskort þjálfarans vegna þessa. Hann hafi verið of upptekinn af konunum tveimur.

Zararías var í Rússlandi til að fjalla um HM en hún er íþróttafréttamaður. Osorio er sagður hafa komið konunum fyrir sitt hvorum megin á vellinum.

TV Notas sjónvarpsstöðin segir að eiginkona Osorio viti af ástarsambandi hans og Zacarías.