Ákveðið var á leiðtogafundi Donald Trump og Kim Jong-un í síðasta mánuði að reyna að leysa þetta mál en Bandaríkjamenn leggja mikla áherslu á að fá líkamsleifar fallinna hermanna afhentar.
Sky segir að samkvæmt frétt Yonhap fréttastofunnar þá hafi bandarískir embættismenn beðið starfsbræðra sinna frá Norður-Kóreu í Panmunjon á landamærum Kóreuríkjanna í gær en fulltrúar Norður-Kóreu hafi ekki látið sjá sig.
Talskona bandaríska utanríkisráðuneytisins sagði í gær að stjórnvöld í Norður-Kóreu hefðu sett sig í samband við bandarísk stjórnvöld og boðist til að funda næstkomandi sunnudag og þann fund muni fulltrúar Bandaríkjanna mæta á.
Kim Yong Chol, varaformaður verkamannaflokksins, ætlaði að mæta til fundarins í gær en mætti ekki eins og fyrr segir. Hvort það tengist birtingu Donald Trump á bréfi frá Kim Jong-un er óvíst en Trump birti bréfið á Twitter í gær. Í bréfinu þakkar Kim Jong-un Trump fyrir leiðtogafundinn og segist fullviss um að samskipti ríkjanna muni batna í framtíðinni.